VIGAN CITY- Inaklon ni dati a Sen. Koko Pimentel nga inkari ni Presidente Rodrigo Duterte a tulungan na dagiti inaganan ti partido PDP-Laban nga agpapili iti umadanin a 2019 midterm elections nu la ketdi dagiti mapusgan a mangibagi ti partido ket “competent” ken napudno nga agserbi.
Segun ken ni Pimentel iti pannaki-uman ti Bombo Radyo Vigan a nasayaat iti pannaki-patang ni Presidente Duterte kadakuada kenni Atty. Rogelio Garcia a simpaen na ti partido da kasukat iti panangtulong na kadagiti agpapili a kadua da.
Innayonna a nagpatulong met kadakuada iti presidente nangruna iti kampanya ti administrasyon na kontra korapsiyon gapu ta inaklonna a “frustrated” iti ken marigatan iti presidente gapu ti kaadu dagiti opisyal ken empleyado iti gobierno a madukduktalan na nga agar-aramid iti maikaniwas iti linteg.
