Inlawlawag ni dati a Sandiganbayan Presiding Justice Amparo Cabotage-Tang a nainget a maiparit iti Presidente ken Bise Presidente ti pannakipaset iti ania man a negosio ta dakdakkel ti posibilidad iti panangabusoda iti turay dagiti dua a kangatwan nga opisial ti pagilian.
Iti maika-24 nga aldaw ti impeachment trial ni Vice President Sara Duterte, kinuna ni Tang a naing-inget ti pannakaiparit kadakuada gapu iti kalawa ti turay nga iggemda.
Segun ken ni Tang, ti sarita a “participate” ket sakupna ti direkta wenno saan a direkta a pannakipaset, agraman ti panagbalin nga owner, director wenno officer ti maysa a korporasion.
Impaganetget ni Tang a kasapulan nga ag-divest ti Presidente ken Bise Presidente kadagiti negosioda iti panagtugawda iti puesto, ken nasken a maisayangkat a dagus iti uneg ti 30 nga aldaw.
