Idurduron ti Philippine National Police (PNP) ti nalawlawa a crime prevention kadagiti pagadalan babaen iti mas aktibo a pannakipaset iti sektor ti edukasion iti values formation ken peace and order awareness.
Segun ken ni PNP chief Gen. Jose Melencio C. Nartatez Jr., napateg ti katulagan a pinermaan ti National Police Commission (Napolcom) ken Department of Education (DepEd) tapno mapapigsa ti akem dagiti pagadalan iti panangkita ti disiplina dagiti agtutubo ken iti panangpatalinaed iti kinatalged ti komunidad.
Iti salinong ti partnership, mairaman kadagiti pagadalan ti safety awareness, anti-drug campaigns, ken anti-bullying programs.
Plano pay ti PNP a papigsaen ti presensya dagiti pulis iti aglawlaw dagiti pagadalan, kitaen ti ad-adu nga opisial iti child protection ken crisis response ken palawaen ti youth engagement programs a sumakop iti anti-drugs, anti-bullying, ken online safety.
