Pinapigsa iti gobierno ti panagtitinnulong dagiti probinsia, siudad ken Local Government Units tapno mapadaras ti panagpatakder kadagiti classroom a natibtibker ken moderno iti disenyona.
Dayta iti impaganetget ni Pres. Ferdinand Marcos Jr. idi binisitana ti Mariveles National High School – Cabcaben Annex (Alasasin) idiay Bataan.
Personal nga ininspeksyon ti presidente dagiti newly-installed prefabricated classrooms, naobserbaran iti p[anagaramat ti Xepto Learning Management System (XLMS), ken indauluan ti turnover dagiti learning tablets iti Provincial Government iti Bataan iti nasao a pagadalan.
Ininspeksyon pay ti presidente ti medical mission ti Yaman ng Kalusugan Program (YAKAP) ken Kalinga services iti Department of Education iti nasao a pagadalan.
Segun ti presidente, kabaelan nga agpaut dagiti baro a classroom agingga magnitude 8 a ginggined ken 300kilometer per hour iti kapigsa iti angina ken duapulo a tawen iti warranty-na.
Kabayatanna, iti baet iti krisis iti langis gapu iti tensyon idiay Middle East, sinigurado ni Pres. Marcos nga umdas ti suplay iti langis ken taraon iti pagilian bayat nga agsapsapul iti alternatibo a pagalaan ken wagas tapno mapalaka iti presyo dagiti magatang.
Mangted pay iti subsidiya iti gobierno kadagiti sektor nga apektado pakairamanan ti transport workers, tapno saanda a malugi uray temporaryo a maisanud iti panagpangina iti plete.
Nabilin amin nga ahensya iti gobierno nga agkissay iti 10% a konsumo iti enerhiya ken mapa-papigsa ti panagaramat ti solar power tapno makatiped ken makissayan ti pressure iti power supply iti pagilian.
