Saan a madanagan ni Presidente Ferdinand Marcos Jr. ti panagbaba ti approval ratings-na.
Pinasingkedan ni Palace Press Officer Claire Castro no ti rason ti panagbaba ti ratings ti presidente ket gapu ti imbestigasion kadagiti maanomalya a flood control projects ket saan a madanagan gapu ta ub-ubraen na laeng ti husto.
Innayon ni Castro a saan a naguray ti presidente iti sinuman a mangirugi ti imbestigasion uray adu a politiko ken darakkel a personalidad ti maapektaran.
Maipalagip a nakai-rekord ti 48 percent disapproval rating ni Marcos iti survey a napasamak ita a bulan, nangatngato ngem idi Setyembre.
Kabayatan a ti approval ti performance-na ket ngimmato iti maysa a porsiento a nagbalin a 34 percent kabayatan nga 18 percent kadagiti respondent’s ket nagtalinaed nga undecided. Reynand Fontejon
