--Ads--
Plano ni Presidente Ferdinand Marcos Jr. a bumisita iti “ground zero” a nagsentroan ti magnitude 6.9 a ginggined idiay Cebu.
Segun ken ni Presidential Communications Office Chief Dave Gomez, immunan a napan iti sumagmamano a cabinet secretaries kadagiti kangrunaan a naapektaran ti ginggined.
Kinuna ni Gomez a napalaus ti naliday ti presidente ket nangipaay met ti panagladingit kadagiti pimmusay ken pamilia a naapektaran.
Impasigurado ti presidente a tumulong ti national government iti local government unit kadagiti apektado para ti nadardaras a recovery-da.
-- ADVERTISEMENT --
Dagus met nga imbilin ni Marcos dagiti mangidadaulo ti frontline government agencies a dagus a tumulong kadagiti naapektaran ti ginggined. – Reynand Fontejon
