VIGAN CITY – Ingkari ni President Ferdinand Marcos Jr. a salaknibanna dagiti Pilipino kasaruno ti pagannurotan ti China nga ibalud dagiti agtrespass idiay West Philippine Sea, ta ibilangna dayta a polisiya nga ‘unacceptable’.
Dayta ket kalpasan nga imbilin ti Chinese government iti Coast Guard-da nga ibalud dagiti gangannaet iti agingga tallopulo nga aldaw nu aglabsingda iti exit-entry rules iti China.
Segun ken ni Marcos ti nasao a tignay ket saan a maawat iti pagilian isu nga aramidenda amin tapno masalakniban dagiti umili kagiddan ti kimmaru a tensyon iti disputed waters.
Imbilin ti China Coast Guard iti pannakaibalud ti foreign nationals nga ag-trespass iti labaybayan a sakupen ti Beijing pakairamanan ti overlapping nga exclusive economic zone iti pagilian, iti tallopulo agingga innem a pulo nga aldaw nga awan ti trial-na.
Ti nasao a polisiya ket epektibo inton Hunyo.
VIDEO – PRES. FERDINAND MARCOS JR
