Pres. Marcos, patienna a mailasat dagiti senador iti 20th Congress ti impeachment ni VP Sara Duterte

Patien ni President Ferdinand Marcos Jr. a mailasat agingga 20^th Congress ti impeachment trial ken ni Vice President Sara Duterte.

Segun ti presidente, nakabantay ti executive branch kadagiti addang nga araramiden ni Senate President Francis Chiz Escudero tapno maaddaan iti nakappia a panangiyakar ti impeachment trial iti sumaruno a Kongreso.

Innayon ti presidente nga awan ti makitkitana a kontrobersyal ta nalawag a saan a maleppas ti panagdenggeg ita a 19^th congress.

Ipaimana laengen kadagiti senador nu ania iti pagtungpalan ti nasao a panagdenggeg.

Idi rabii ket inkeddeng ti Senado nga isubli iti House of Representatives ti impeachment complaints kontra ken ni Vice President Duterte.