Kayat ni President Ferdinand Marcos Jr. a maimbestigaran ti pannakarpuog ti kaluklukat a P1.2 billion a bridge idiay Isabela province ken kayatna a madusa dagiti mapaneknekan nga adda nagkuranganna.
Ti pannakarpuog ti 990-meter Cabagan – Sta. Maria Bridge idi Huebes ket gappuanan ti pannakadunor iti innem a tattao iti baet a kaluklukat laeng para kadagiti lugan idi napan a bulan.
Bimmigay ti paset ti rangtay bayat ti panagdalyasat ti maysa a dump truck a nagkarga kadagiti boulders.
Segun ken ni Presidential Communications Undersecretary Claire Castro, nakasaritanan ti presidente inaig ti nasao a banag ket imbestigarnda nu adda korapsyon a mainaig iti panawen a pannakasimpana idi 2014 agingga ita ta nu bilang adda ket saanda nga itulok nga adda makalibas.
Innayonna a saludsod kadakuada nu kasano iti napasamak nu apay a nagkapsot iti rangtay ta nadaras laeng a narpuog.
Idadauluan ti National Bureau of Investigation (NBI) office idiay Isabela iti imbestigasyon.
