Insayangkat ni President Ferdinand Marcos Jr. ti aerial inspection kadagiti naapektaran ti layos idiay Pampanga.
Kadua ni Marcos da Department of Agriculture Secretary Francisco Tiu-Laurel Jr. ken Special Assistant to the President, Secretary Antonio Ernesto Lagdameo Jr.
Immunan a naituding a bumisita ti presidente kadagiti evacuation center idiay Bacolor, Pampanga idi kalman ti bigatna ngem nakanselar ti panagbisitana gapu iti saan a nasayaat a panniempo.
Gapu dayta ket imbagi isuna ni Department of Social Welfare and Development (DSWD) Secretary Rex Gatchalian a napan nangkita iti kasasaad dagiti naapektaran ti didigra nga agtaltalinaed iti Bacolor Integrated School idiay Pampanga.
Indauluan ni Gatchalian ti panagiwaras ti family food packs ken dadduma pay nga essential items manipod ti DSWD kadagiti displaced families ken ingkarina ti commitment iti presidente ti panangipaay ti napaspas a suportar para ti swift recovery kadagiti naapektaran ti nakaru a layos.
