--Ads--
Nakigtot ken naliday ni Presidente Ferdinand Marcos Jr. iti pannakairaman ni dati a senador Bong Revilla iti isyu ti maanomalya a flood control projects.
Pinasingkedan ni Palace Press Officer USec. Claire Castro nga uray giyyem ken dati a kaalyado ti Presidente ni Revilla ket nasken a dumalan iti proseso.
Simmuko iti Philippine National Police ni Revilla kalpasan a rimmuar iti arrest warrant na manipud iti Sandiganbayan Third Division.
Ti kaso a sangsangoen ti dati a senador ket adda pakainaigan na iti malversation through falsification of public documents iti irregularidad ti maysa a flood control project idiay Pandi, Bulacan. Reynand Fontejon
-- ADVERTISEMENT --
