Pres. Marcos, nakasagana a makikappia kadagiti Duterte

Nakasagana ni President Ferdinand Marcos Jr. a makikappia wenno maaddaan ti reconciliation kadagiti Duterte.

Segun ken ni President Marcos, saanna a kayat ti kalaban ta adu daytan kenkuana ket ti laengen kayatna ket ti pagayam.

Segun kenkuana, kayatna a maurnosen iti amin ta iti agdama ket saan a napintas ti langen langenda kadagiti Duterte kasaruno kadagiti isyu.

Immunan a pimmanaw ni Vice President Sara Duterte iti Unity team ta saanna a kinayat ti panangidaulo ti administrasyon.

Kalikagumna ti kinatibker ken kinakappia iti pagilian tapno makaaddang ken adu iti maaramidan a trabaho.

Patienna nga uray saanda nga agtinnunos iti polisiya ket agtinnulongda a mangipatungpal kadagiti programa a pakairanudan dagiti Pilipino.