Indauluan da President Ferdinand Marcos Jr. ken First Lady Liza Araneta Marcos ti Christmas gathering a naawagan a “Pamaskong Handog Para sa OFW Family” a naisayangkat iti Heroes Hall idiay Malakanyang.
Ingkari ni President Marcos ti pannakaipaay iti ad-adu pay a tulong ken serbisyo para kadagiti overseas Filipino workers ta adda dagiti programa iti gobierno kas ti livelihood program para kadagiti balik-OFW ken panangipaay ti scholarship para iti panagadal dagiti annakda.
Segun ken ni President Marcos, namnamaenda pay a manayunan dagiti OFW Lounges kadagiti international airport iti pagilian.
Ti nasao a programa ket impaayan ni Pres. Marcos ti certificates of recognition dagiti dadduma nga Overseas Filipino Workers ken indauluanna ti ceremonial turnover iti housing units kakuada iti salinong ti Pambansang Pabahay Para sa Pilipino Program.
Karaman a nakipaset iti christmas gathering ti Department of Migrant Workers ken Overseas Workers Welfare Administration.
VIDEO – PRESIDENT FERDINAND MARCOS
