Kinumpirmaran ni Palace Press Office Usec. Claire Castro nga adda standing order ni Pres. Ferdinand Marcos Jr. a kemmegen ni Senador Ronald “Bato” dela Rosa.
Segun ken ni Castro, agtultuloy dagiti operasyon ti maseknan a government agencies maipanggepo ti nasao a banag.
Kinuna met ni Castro nga ipaimanan dayta iti Department of Justice (DOJ) ken Department of the Interior and Local Government (DILG) ti panangsungbat kadagiti karit iti panagkemmeg ti senador ta isuda ti makaammo kadagiti operasyon a kasapulan tapno mapadaras ti panangkemmeg iti senador.
Iti agdama ket sapsapulen dagiti otoridad ni dela Rosa kalpasan nga inruar ti warrant of arrest ti International Criminal Court (ICC) kontra kenkuana.
Siguradoen met ni DILG Sec. Jonvic Remulla nga ipatungpal dagiti otoridad ti legal a proseso sakbay nga i-extradite ti senador iti sabali a pagilian.
