Kinondenar ni Pres. Ferdinand Marcos Jr. ti pannaka-ambush ti mayor iti Shariff Aguak, Maguindanao del Sur.
Segun ken ni Palace Press Officer Usec. Claire Castro, insigida a binilin ti presidente ti Interior and Local Government (DILG) ken Philippine National Police (PNP) a mangisayangkat iti thorough investigation maipanggep iti insidente.
Kinuna ni Castro nga insigida nga inaramid ti DILG ken PNP ti bilin ti presidente kadua ti Police Regional Office iti Bangsamoro Autonomous Region in Muslim Mindanao (BARMM) tapno matignayan ti sitwasyon.
Aktibo dagiti otoridad a makikamkammayet tapno mabigbig dagiti responsable iti panggep a panang-ambush ken ni Mayor Akmad Mitra Ampatuan.
Makikamkammayet iti Police Regional Office BARMM kadagiti investigators tapno mabigbig ti perpetrators ken masigurado a maipaay ti dusa.
Impasigurado ni Castro iti publiko a ti DILG ken Marcos administration ket agtultuloy iti panangpapigsada iti peace and order efforts iti rehiyon tapno maliklikan iti kas iti nasao nga insidente.
