Kinarit ni Presidente Ferdinand Marcos Jr. ni dati nga Ako Bicol Partylist Representative Zaldy Co nga agsubli ditoy pagilian tapno sangwenna dagiti pammabasul kenkuana.
Segun ken ni Marcos, agtalinaed a fake news dagiti pammabasul ni Zaldy Co kontra kenkuana mainaig iti maanomalya a flood control projects.
Impaganetget ni Marcos nga amin a tao ket adda kabaelanna iti social media ngem dagiti pammabasul ni Co kenkuana ket awan ti kaipapananna isu a nasken nga agawiden ditoy pagilian.
Kabayatanna, pinasingkedan ni Marcos a nagpatangdan ken ni dati nga executive secretary Lucas Bersamin mainaig iti panagikkat-na iti puwesto.
Impaganetget ti presidente a nasayaat ti langen-langen da ken ni Bersamin agingga tatta ken awan ti sakit ti nakem ti dua ti tunggal maysa.
Inlawlawag met ni Marcos no apay nga inawatna ti resignation ni Department of Budget and Management Secretary Amenah Pangandaman tapno saan isuna a maaddaan ti impluwensia iti maisaysayangkat nga imbestigasion.
