Imbilin ni President Ferdinand Marcos Jr. a siguradoen nga umanay ti suplay iti enerhiya iti sumarsaruno nga innem a pulo nga aldaw tapno masigurado a saan a manayunan iti rigat iti publiko iti epekto ti krisis idiay Middle East.
Segun ken ni Pres. Marcos, kasarsaritadan dagiti kompania iti enerhiya a nayonan iti kapasidad ti power grids iti uneg iti innem a pulo nga aldaw.
Gagemda a masigurado a saan a mapadasan iti nakaru a brown out kangrunaan ita a nangato ti presyo ti produkto petrolyo ken ti manamnama a nabara a panawen a mangpapigsa iti konsumo iti kuryente.
Pinasingkedan ti presidente a duapulo ket tallo a power projects iti adda kapasidadna a 900 megawatts ti manamnama a malukatan ken ag-operate tapno makatulong iti panangpatalinaed iti supply iti enerhiya.
Agtultuloy pay iti pannakikammayet para iti panagaramat ti Malampaya natural gas a full capacity tapno manayunan ti suplay ti kuryente iti pagilian.
