Ingkari ni Pres. Ferdinand Marcos Jr. nga ikagumaanda tapno maleppas iti panagbisin iti pagilian sakbay a malpas it terminona.
Iti pannakairusat ti programa a “Biyayang Bigas” sa Maynila, impaganetget ti presidente nga ipangruna ti gobierno ti seguridad iti taraon kangrunaan iti suplay iti bagas.
Segun ti presidente, gagemda a masigurado nga awan ti agbisin a Pilipino iti panagleppas ti panagakemna, isu nga agtultuloy iti pannakaipatungpal dagiti addang tapno mapagtalinaed ti umdas a suplay iti taraon.
Paset ti programa ti panagaramat ti Local Government Support Fund, a direkta a maipaay ti pondo kadagiti lokal a gobierno tapno mapadaras ti distribusyon iti tulong.
Idiay Manila ket narugianen iti panagiwaras ti libre a bagas ket mapatta-patta nga 80,000 a pamilia iti makaawat iti sag-10 a kilos a mamin-innem a daras iti uneg iti makatawen.
