Sinigurado ni President Ferdinand Marcos Jr. nga agtultuloy a mangilatang ti pondo ken suportar iti gobierno tapno papigsaen ti kapabilidad ti Philippine Coast Guard (PCG).
Segun ken ni Pres. Marcos, agtultuloy iti panag-invest para kadagiti barko, lugan iti tangatang, command posts ken dagiti kabaroan a communication system, pannakayatiddog ken pannakapainget ti panagsanay, pasilidad ken logistics tapno maikkan ti dignidad ti tunggal kameng ti PCG iti panangtungpal iti akemda.
Kas paset ti panangipaay ti pasayaatan dagiti kameng ket impatakder iti gobierno ti PCG General Hospital, ti Maritime Law Enforcement Training Center idiay Misibis, ken ti First Responder and Nursing Service Facility a gagem a masigurado ti panaglaing dagiti miembro ti PCG.
Aminado ti presidente a sumangsango iti karit iti gobierno iti panangisubli ti talek dagiti umili ngem siguradoenna a maisubli babaen ti panagbalin a napudno ken silulukat iti misyonda.
