Indeklarar ni President Ferdinand Marcos Jr. ti January 9 a special non-working day idiay Manila tapno rambakan ti Feast of the Black Nazarene kas impakaammo ti Presidential Communications Office.
Pinirmaan ni Executive Secretary Lucas Bersamin ti Proclamation No. 766 idi kalman a mangideklarar ti holiday a mangpalubos kadagiti deboto a makipaset iti annual Traslacion a mangsigurado iti naurnos a prosisyon ken masimpa iti rapiko.
Ti Feast of the Black Nazarene wenno Traslacion ket maysa kadagiti kapatgan a religious celebration iti pagilian a maisaysayangkat tunggal January 9 idiay Manila.
Idi napan a tawen ket nasurok 6.1 million a deboto iti dimmar-ay iti Traslacion nga isun ti kangatoan a bilang dagiti nakipaset kalpasan iti tallo a tawen gapu iti epekto ti covid-19.
