Binabalaw manen ni President Ferdinand Marcos Jr. ti rock netting project idiay Camp 5, Kennon Road, Tuba, Benguet kalpasan iti inaramidna a site visit idi Domingo.
Segun ken ni Pres. Marcos, overpriced ken substandard ti proyekto, kasta pay a napeggad ta saanen a salaknib dagiti umili.
Kinuna ni Marcos a ti proyekto nga aggatad ti P114.18 million ket nasingir iti namin-uppat a daras iti actual a presyona a gappuanan iti 75% kickback.
Gapu dayta ket inawaganna a notorious project ta naipariten ti netting ngem naituloy latta.
Maibasar iti rekord ti DPWH, ti proyekto ket naipatungpal ti 3K Rock Engineering a kukua ti negosyante a ni Francis Cuyop.
Innayon ti presidente nga awan ti naisayangkat a public hearing ken saan a naidalan ti lokal nga opisyal ti proyekto isu a nalabsing ti husto a proseso.
