Inallukoy ni President Ferdinand Marcos Jr. dagiti Pilipino a tuladen ni Mama Mary babaen ti panagserbi iti pada a tao babaen ti pannakipagrikna ken panagpakumbaba kagiddan ti panagrambak ita nga aldaw, December 8, 2024 ti Feast of the Immaculate Conception.
Ti Immaculate Conception ket maysa a Catholic dogma a mangibagbaga a saan pulos namulitan ti basol a tawid ni Maria nga ina ni Hesus.
Segun ken ni Marcos, kagiddan ti panagrambak ti holy feast ket allukoyenna dagiti Katoliko ken Pilipino a tuladen ni Maria iti panagbalinna a napakumbaba ken pannakipagriknana kangrunaann ti pananggun-od iti Bagong Pilipinas a kalikagum dagiti umili.
Impaganetget pay ti presidente ti kinapateg ti piesta kadagiti Katoliko ta gundaway para kadagiti amin nga umili nga agreflect iti tema ti gracia, purity ken devotion.
