Impasigurado ni Pres. Ferdinand Marcos Jr. iti publiko a nainget ti disaster preparedness efforts, pre-positioning relief packs ken “go bags” iti intero a pagilian iti posible a didigra iti masangwanan.
Iti Handa sa Sakuna video ni President Marcos, kinunana a nagisagana ti Department of Social Welfare and Development (DSWD) ken local government units (LGUs) kadagiti taraon ken essential supplies kadagiti warehouse iti intero a pagilian tapno siguradoen ti quick response kalpasan ti ginggined ken dadduma a natural disaster.
Segun ken ni Marcos, agtultuloy iti panagsagana iti gobierno ken pinatibker dagiti ahensya iti communication ken information campaigns tapno maingato ti public awareness ken community readiness.
Inallukoy ni Marcos dagiti pamilia a maaddaan ti evacuation plans ken isagana ti emergency kits wenno “go bags”, ket impaganetgetna a ti pagrugian ti disaster readiness ket iti uneg ti pagtaengan.
Impalagipna kadagiti Pilipino nga iraman ti napapateg a banag a kas kadagiti dokumento, taraon, danum, agas, first aid supplies, flashlights, whistles, radio ken emergency cash.
