Impakaammo ni President Ferdinand Marcos Jr. ti nakaituding a panag-host iti pagilian ti Asia-Pacific Ministerial Conference on Disaster Risk Reduction ita a bulan ti Oktubre.
Segun ken ni Marcos bayat ti intervention iti 44th ASEAN Summit Plenary Session idiay Lao People’s Democratic Republic, ti climate change iti kangrunaan a pangta iti amin ket karaman ti ASEAN region kadagiti kangrunaan nga apektado iti panagbaliw iti panawen.
Kinuna ni Marcos a masapul a tutokan ti ASEAN ti climate change ken salakniban ti biodiversity ken ecosystems nga isu ti pundasyon iti amin a biag.
Ti nasao nga Asia-Pacific Conference ket agkakadua dagiti stakeholder manipod iti rehiyon tapno papigsaen ti kooperasyon, mangibingay kadagiti wagas, ken mangbukel kadagiti polisiya tapno maliklikan ti epekto ti didigra.
