Nagmensahe ni Pres. Ferdinand Marcos Jr. kadagiti agtutubo, estudyante ken nagannak kalpasan iti agsaruno a trahedya kadagiti sumagmamano a pagadalan iti pagilian.
Nagpanawagan ti presidente ti kolektibo nga aksyon tapno masalakniban dagiti agtutubo kontra iti kinaranggas, panagbaybay-a ken dadduma pay a peggad.
Kinunana a ti pagadalan ket rumbeng a lugar iti pagsursurwan, panagbukel kadagiti arapaap, ken panagdur-as, ket saan a lugar a pakadanagan dagiti nagannak ti kinatalged dagiti annakda.
Binilin pay ti presidente dagiti ahensya iti edukasyon, kapulisan, salun-at ken dagiti lokal a gobierno a paingeten dagiti addang para iti kinatalged dagiti agad-adal iti intero a pagilian.
Kabayatanna, inallukoy ti presidente dagiti nagannak a mangilatang ti oras, atensyon ken panangawat kadagiti annak ta isu iti pagrugian iti pudno a salaknib.
