Ingkari ni President Ferdinand Marcos Jr. ti full support-na kadagiti Filipino athletes kagiddan ti panaglukat ti 65th Palarong Pambansa iti Ferdinand E. Marcos Sr. Memorial Stadium idiay Laoag City, Ilocos Norte.
Impanawagan ni Pres. Marcos kadagiti grade school ken secondary student-athletes nga ipaay iti amin a kabaelanda.
Segun ken ni Pre. Marcos, napintas a pagtuladan dagiti agtutubo a Pilipino nga adda arapaapna iti biag ken determinasyon tapno matungpal dayta.
Ingkarina nga agingga kabaelan iti gobierno ket aramidenda amin tapno matulongan dagiti nalalaing nga atleta ta aniaman a balligida ket balligi metten ti gobierno.
Mangabak man wenno saan ket maibilangda amin a kampeon gapu iti impakitada a laing iti sports.
Impaganetgetna iti kinapateg a masursuro ti disiplina, pannakigayyem ken panag-enjoy ti paborito nga sports.
Binalakadanna pay dagiti atleta nga annadan ti salun-atda ken saan nga agsardeng a mangragpat dagiti kayatda a matungpal para iti bagida.
