Dinayaw ni Pres. Ferdinand Marcos Jr. iti pannakaimplementar ti “Tara, Basa” tutoring program a nagkunaanna nga isu iti pudno a kaipapanan ti serbisyo publiko.
Bayat ti Tara, Basa! Tutoring program national culminating activity iti University of Makati idiay Taguig City ket impaganetget ni Marcos ti kinapateg iti programa a saan laeng a mangtulong kadagiti agad-adal iti panangpasayaat iti reading skills-da nu diketd panangipaay iti financial support kadagiti college student ken nagannak.
Segun ken ni Pres. Marcos, iti uneg iti dua a tawen ket nasurok 348,000 a Pilipino iti nadanon iti programa.
Kinunana a ti programa nga insayangkat ti Department of Social Welfare and Development (DSWD) ket mang-asa kadagiti college student nga agbalin a tutor ken youth development workers a mangisuro kadagiti estudyante a marigatan ken saan a makabasa.
Mangtulong pay kadagiti nagannak ken guardian babaen ti Nanay-Tatay sessions, a suportaran ti youth development workers.
Nagyaman ni Marcos kadagiti tutor ken youth development worker iti trabahoda ket inallukoyda dagiti nagannak nga ituloyda iti suportar kadagiti ubbing iti arapaapda.
Inallukoy pay ti presidente iti DSWD ken Department of Education (DepEd) a patibkeren ti implementasyon iti programa ken siguradoen a madanon ken allukoyen iti ad-adu a Pilipino.
