--Ads--
Inlawlawag ti Malakanyang a saan pay a nalpas iti panangdusa kadagiti karaman iti maanomalya a flood control projects.
Segun ken ni Palace Press Officer Claire Castro, saan a mangipasimudaag kadagiti nagan no diketdi kadagiti indibidual a naibalud kalpasan a nairuar dagiti warrant of arrest iti uneg ti nasurok uppat a bulan.
Kinunana nga adda nalawag a resulta ti kampania iti administrasyon kontra iti korapsyon ta addan iti naibalud, adda dagiti sanikua a na-freeze ken adda naisublin a natakaw a pondo iti pagilian.
Agtultuloy iti imbestigasyon ken ur-urayen ni Pres. Ferdinand Marcos ti resolusyon iti dadduma pay a kaso a nakapenpen iti Department of Justice ken Office of the Ombudsman.
-- ADVERTISEMENT --
