Nakasangpeten ni Pres. Ferdinand Marcos Jr. idiay Kazan, Russia tapno dumar-ay ti ASEAN-Russia Commemorative Summit.
Segun ti Presidential Communications Office (PCO), simmangpet ti nagluganan nga eroplano ti presidente ken delegasyon iti airport idiay Kazan itay alas dose kuarentay nueba iti aldaw.
Kadua ti presidente ti Russian tripna iti bassit a delegasyon, kangrunaan ni Foreign Affairs Secretary Maria Theresa Lazaro ken dadduma nga opisyal ti Department of Trade and Industry.
Paset ti misyon ti presidente idiay Russia iti pannakitaripnong ken ni Russian President Vladimir Putin tapno pagsaritaan dagiti napapateg a banag kangrunaan ti biang ti enerhia ken seguridad iti taraon.
Manamnama nga agawid iti pagilian ti presidente ken delegasyonna inton Biernes.
