Makikaysa ni President Ferdinand Marcos Jr. iti amin a Pilipino a katoliko iti pagilian iti panaglagip ti All Saints’ Day ken All Souls’ day.
Inallukoy ni Pres. Marcos dagiti Pilipino a manmano laeng iti kastoy a gundaway a makadua ti pamilia ken panangikararag ken panangbigbig kadagiti natayen nga ay-ayaten iti biag.
Segun ken ni Marcos, dagiti natayen nga ay-ayaten iti nangted dalan iti kinadur-as babaen iti impakitada a panagpammati, panagayat, kinadayaw, sakripisyo ken serbisyo.
Gundaway ita tapno mapabaknang pay iti spiritual aspect iti biag.
Kinunana a ti Undas ket mangpalgip kadagiti napapateg a kaugalian a mangpatibker iti pagilian pakairamanan ti pammati, kinatibker ken namnama.
Kabayatanna, inallukoy pay ti presidente dagiti Pilipino nga agbiag nga adda panagayat ken panangisakit iti sabali para iti pagsayaatan iti amin kas iti impakita dagiti santo idi panawenda.
