--Ads--
Maituloy inton Hunyo 22 ti pre-trial conference para iti impeachment case kontra ken ni Vice President Sara Duterte kalpasan a saan a nalpas ti prosekusyon ken depensa ti panangmarka kadagiti ebidensia a dokumento iti immuna a panagdengngeg.
Segun iti depensa, nabayagan ti proseso gapu iti kaadu ken nainget a panangkita kadagiti dokumento.
Posible pay a maituloy daytoy iti Hunyo 23 no saan a dagus a malpas.
Natalek ti depensa a mabalin a marugian ti impeachment trial inton Hulyo 6.
-- ADVERTISEMENT --
Nagtulag payen ti agsinnumbangir a grupo iti listaan dagiti testigo ken iti pannakaipasa dagiti nakasurat a palawag tapno mapaalisto ti proseso.
