VIGAN CITY – Kayat nga ipakita ken ipasagepsep ni Amy Sunio Abarquez, founding chief executive officer ti Miss Tourism Queen Worldwide kadagiti dua pulo ket lima a kandidata no kasano iti biag iti probinsiya isu a ditoy Ilocos Sur iti napilina a pakaisayangkatan dagiti pre-pageant activities iti maikadua nga edisyon ti Miss Tourism Queen Worldwide.
Segun kenni Abarquez, napinpintas tatta a tawen nu iyarig idi napalabas a tawen agsipud ta ad-adun dagiti nakipaset a kandidata tatta a gundaway.
Inyunay-unayna pay a ti gagem ti nasao a kompetisyon ket tapno maital-o dagiti nadumaduma a kultura nga ipanpannakkel iti naduma-duma a pagilian.
Ti mangibagi ti Pilipinas iti nasao a beauty pageant kt ni Diana Pasinquin a taga- Tarlac.
Tatta nga aldaw, ag-courtesy call dagiti kandidata ken ni Mayor Sammy Boy Parilla ti Bantay ket inton alas tres iti malem, isu iti panagphoto-shoot da idiay igid iti baybay ti Cabugao.
Kabayatanna, inton bigat, mapan da agisagut iti sabong iti monumento ni Rizal idiay Plaza Salcedo.
Ti Talent portion a naisayangkat idi rabii, ni Miss Malaysia iti nangabak ket karaman ti Top 5 ni Miss Philippines, Miss Vietnam, Miss Estonia ken Miss Poland.
