VIGAN CITY – Addan ti pre-disaster risk assessment nga inaramid ti National Disaster Risk Reduction and Management Council ken nabigbigdan dagiti epekto iti panagduprak ti bagyo Ambo kadagiti lugar a maapektaran.
Iti pannaki-uman ti Bombo Radyo Vigan ken ni NDRRMC Office of the Civil Defense Spokesman Mark Timbal, kas panagsagsagana iti nasao a bagyo ket nangisayangkatdan iti pre-emptive evacuation kadagiti residente nga adda iti danger zone kas koma ti Bicol region.
Malaksid iti dayta, agtultuloy ti panangbantay dagiti regional office ta kasapulanda ti mangipasa ti bilang dagiti evacuee iti nasao nga ahensia ken ti listaan dagiti nadaddadael gapu iti bagyo.
Ikonkonsidera pay ti pannakangiwat ti nasao nga ahensia ti kinapateg ti panangsalwad ti tunggal maysa iti salun-atda kontra iti COVID19 ta kunana ket kasapulan latta a nakafacemask dagiti residente ken agaramat ti personal protective equipment dagiti rescuer ken kasta payen dagiti agbantay kadagiti evacuation area.
Ingunamgunamna a saan a rumbeng nga agdudupudop dagiti residente iti uneg ti evacuation area tapno maliklikan ti pangta ti COVID19.
