Nangipaay ti tulong ti Philippine Red Cross kadagiti pamilia a naapektaran ti Bagyo Maymay a temporario a nagyan iti Dacap Sur Evacuation Center idiay Bani, Pangasinan.
Segun iti PRC, duapulo ket siam nga apektado ti nakaawat ti napudot a makan ken napapateg nga agas manipud iti Health Services team.
Tapno masigurado ti kinatalged dagiti ubbing, nangipasdek ti PRC ti Child-Friendly Space, nagisayangkat ti handwashing demonstrations, ken nangipaay dagiti flyer mainaig iti panangliklik iti dengue ken leptospirosis.
Kalaksidan daytoy, 33 a pamilia a nagbakwit manipud iti La Paz, Tarlac ti naikkan ti 97 hot meals, Gardenia bread, 3-in-1 coffee, ken bottled water.
Naaddaan pay ti health lectures, IEC distribution para iti amin nga evacuees kabayatan a dagiti ubbing ken nataengan ket nakaawat ti over-the-counter medicines ken vitamins.
