Kiniddaw ti Nueva Segovia kadagiti simbaan nga isagut ti kararag ken ni Pope Francis dagiti misa a maisayangkat inton malem ita nga aldaw ta isu ti pannakaitabon ti Santo Papa.
Iti pannaki-uman ti Bombo Radyo Vigan ken ni Rev. Msgr. Cosmenio Rosimo manipod Nueva Segovia, alas kuatro iti malem nga oras iti Pilipinas a maitabon ti Santo Papa isu a ti misa inton malem idiay Cathedral ket mapasamak iti panagkararag a maipaay ken ni Pope Francis, sakbay iti maisayangkat a pabendisyon.
Segun ken ni Rev. Rosimo, makararag ti prayer of commendation and farewell a masansan a maar-aramid kadagiti maitabon a ti makararag ket kas met laeng ti gagangay a kararag kadagiti pimmusay.
Nu maipanggep iti panangidaton ti sabong kadagiti parokya ket impaiman ti Nueva Segovia kadagiti simbaan nu kasano iti aramidenda tapno maipakita dagiti agpammati iti maudi a gundaway iti panagayatda iti Santo Papa.
