Maysa nga agtawen-iti-duapulo ket innem a pulis ti nabiktima iti mapapati a prank caller a nagpammarang kas pulis ken maysa nga abogado a nagkiddaw iti P75,000 kasukat ti saanna a panangituloy iti kaso nga estafa.
Segun iti San Ildefonso Police Station, nakaawat ti biktima iti tawag manipud kadagiti tallo a mobile number ket naibaga kenkuana nga adda tallo a bilang ti estafa a sangsangwenna.
Gapu dayta, nangted isuna iti P10,000 sakbay a nagkiddaw manen ti caller iti nayon a P50,000.
Idi beripikaen ti biktima ti nasao a patangan ken ni PCOL. Ernesto Navarro, naduktalanna a saan a daytoy ti timmawag kenkuana isu a dagus a nagreport iti kapulisan.
Kabayatanna, nangiruar ti Ilocos Sur Police Provincial Office iti flash alarm kadagiti police station para iti impormasion, beripikasion ken monitoring.
Nagbalakad met ti biktima a saan nga ikkaten dagiti call logs, mensahe, screenshots, ken dadduma pay a posible nga ebidensia.
