--Ads--
Impaganetget ni Department of Education Secretary Sonny Angara a kasapulan ti Public-Private Partnerships scheme tapno makaipatakder iti nasurok 100,000 a klasrum iti pagilian iti uneg ti lima agingga sangapulo a tawen.
Dayta ket kalpasan nga imbilin ni Presidente Ferdinand Marcos Jr iti maikapat a State of the Nation Address ni Presidente Ferdinand Marcos Jr a mangipatakder iti 40,000 a baro a klasrum sakbay a malpas ti administrasyonna inton 2028 – nga adda suporta a buo a pondo manipud iti Kongreso tapno maisardeng ti krisis iti kinakurang iti klasrum iti pagilian.
Innayon ni Angara a ti kinakurang dagiti klasrum ket nasken a masulbar nga insigida, ta makaapektar daytoy iti kalidad ti edukasyon dagiti ubbing nga agad-adal.
