Dimmepensa ti Philippine Ports Authority mainaig iti isyu iti kontrobersial a P168 million a body-worn camera project.
Segun ken ni PPA General Manager Jay Santiago, saan laeng a dagiti kamera ti nagatang no di ket ti sibubukel a surveillance system isu a saan a pudno dagiti mapapati nga overpriced a kontrata.
Karaman ditoy ti nationwide connectivity, backend servers, software, docking stations, training, ken tallo tawen nga after-sales support para kadagiti 22 a Port Management Offices iti intero a pagilian.
Innayon ti PPA a ti bidding ket dimmalan iti husto a proseso kas maisurot iti Government Procurement Reform Act.
Nakasaganada met iti ania man nga audit manipud kadagiti oversight agencies ken agtalinaed a napudno iti prinsipio ti transparency, accountability, ken husto a panangramat iti pondo.
