Insingasing ti maysa a political analyst a ni Atty. Michael Yusingco, nga imbes a mai-impeach ni Bise Presidente Sara Duterte, nasken a maimbestigaran dagiti potential criminal offenses a mainaig iti misused funds ken pangtana kontra iti Presidente ken dadduma pay nga opisial.
Ikalinteganna a rumbeng nga imbestigaran ti Ombudsman ti mabalin a potential misuse ti confidential funds, a mabalin a maibilang a plunder.
Patienna pay a rumbeng nga imbestigaren ti Department of Justice ken polis dagiti pangtana, ta saan isuna nga immune iti prosecution.
Ngem no man pay kasta, binabalawna ti House of Representatives dagiti nagbalin a tignayda, gapu ta limmabesda ti autoridadda a mangi-detain kenni Lopez ken panangiyakarda kenkuana iti correctional facility.
Patienna a maikontra iti linteg dagiti tignay da ken saan a nasken a makiraman dagiti polis iti panangserbi kadagiti bilin ti Kongreso.
Malaksid pay dayta, mamati ni Yusingco nga ad-adda nga epektibo ti panangipamaysa kadagiti criminal ken administrative cases kontra iti Bise Presidente ngem ti impeachment, nga ibilangna a partisan ken divisive process.
