As-asikwen ti Pilipinas ken India ti posible nga state visit ni President Ferdinand Marcos Jr iti South Asian Nation iti kabiitan a panawen ita a tawen, a maiggidan iti 75th anniversary ti diplomatic relations dagiti dua a pagilian.
Segun ken ni Foreign Affairs Secretary Enrique Manalo, namnamaenda a makakita iti numero ti ‘concrete deliverables’ ken katulagan a mapermaan no bilang matuloy ti nasao nga state visit.
Immunan a pinagpatangan da Manalo ken Indian Minister of External Affairs Jaishankar ti state visit iti sidelines ti Raisina Dialogue a naisayangkat idiay India sipud March 17 agingga 19.
Saan a nangted iti nayun a detalye ni Manalo mainaig iti bilateral deals iti agdama a manarimaan a trabtrabahoen ti Manila ken New Delhi tapno sumayaat ti panagtinnulongda kadagiti numero dagiti aspeto agraman ti maritime sphere.
