VIGAN CITY – Naisayangkat iti regular session dagiti kameng ti Eight City Council iti siudad ti Vigan a napasamak idiay SP Session Hall.
Iti pannaki-uman ti Bombo Radyo Vigan ken ni 2nd City Councilor Bobit Singson a Committee Chairman iti Public Safety & Peace and Order, nagpapatanganda iti addang a maaramid tapno maliklikan iti aksidente kangrunaan iti Diversion Road iti Capangpangan ken San Julian Sur Diversion Bypass Road ta nagsasaruno idi kallabes a gappuanan ti pannaka-deploy dagiti traffic aide ken tanod kadagiti nasao a lugar.
Segun ken ni Singson, impakaammo ti Department of Public Works and Highways nga adda master plan-da inaig iti pannakaipan ti rotonda idi pay laeng 2018 ngem saanda a maaramid ta adda dagiti masagid a lote dagiti umili.
Balakadna kadagiti motorista nga agannad ken aginnayad laeng iti panagmaneho kangrunaan nu madanon ti nasao a dalan tapno maliklikan ti aksidente.
Innayonna a nakipaset iti nasao a session ni Vigan City Mayor Bonito Singson ket pinasingkedanna a planona a mare-educate manen dagiti motorista tapno saanen a mapasamak iti kas kadagiti nasao a pasamak.
