Kinontra ti Bantay Bigas ti mapapati a panagpangina ti presyo ti bagas iti P1-P2 kada kilo gapu iti pammilin ni Presidente Ferdinand Marcos Jr nga ipasardeng pay laeng ti panagangkat iti sabali a pagilian.
Iti pannaki-uman ti Bombo Radyo Vigan ken ni Spokesperson Cathy Estavillo, epekto laeng daytoy monopolyo iti presyo ti bagas iti tiendaan ken ti presyo ti irik kadagiti mannalon.
Patien ni Estavillo a dayta ket gapu ti panangipaay ti gobierno iti turay kadagiti trader, miller, ken importer nga isuda ti mangituding iti presyo ti bagas iti tiendaan.
Impaganetgetna nga adu ti suplay ti bagas kadagiti warehouse ti imported ken dagiti miller.
Nupay kasta, kunana a bassit ti dua a bulan a panangituding ti presidente iti panagangkat ti bagas iti sabali a pagilian tapno agpangina iti presyo.
