Maysa a posible nga insidente ti kinaranggas iti maysa a pagadalan idiay Tolosa, Leyte ti nalapdan dagiti otoridad, segun ken ni Department of the Interior and Local Government (DILG) Secretary Jonvic Remulla.
Segun ken ni Remulla, nakaawatda iti impormasion manipud ken ni Senador Bam Aquino mainaig iti posible a pannakaraut ti Tolosa National High School.
Maysa a baba inga agtawen iti 14 ti adda iti likudan ti plano nga agar-aramat iti multiple social media account ken naduktalan nga addaan iti personal a parikut ken parikut iti pamilia.
Naammuan pay a daytoy ket agayay-ayam iti Gorebox.
Atapen ni Remulla a kayat ti menor de edad ti agaramid iti copycat crime kalpasan ti napasamak iti San Jose National High School.
Naipan iti DSWD ti babai ket kalpasan ti interview, naisubli met laeng iti pamiliana ta awan met ti inaramidna a krimen.
