Pinasingkedan ti Malakanyang a saan a pampanunoten ni Presidente Ferdinand Marcos Jr. ti posible a kasukat ni Vice President Sara Duterte kabayatan nga agtultuloy ti impeachment proceedings kontra iti bise presidente.
Segun ken ni Palace Press Officer Claire Castro, ti kayat laeng ti Presidente ket masigurado a masurot ti due process ken saan a mapagpatpatangan kadagiti taripnongda ti impeachment.
Kabayatanna, impaganetget ni Duterte a saan nga agikkat iti puesto, idinto nga imbabawi met ti House prosecution panel ti tallo kadagiti uppat nga Articles of Impeachment ken ituloyda laengen ti kaso maibasar iti Article II, nga adda pakainaigan iti mapapati a saan a mailawlawag a baknang ken dagiti isyu a mangibutaktak kadagiti sanikua.
Impaganetget ti kampo ni Duterte a ti pannakaibabawi dagiti artikulo ket mangipakita iti kinakurang ti pagibasaran kadagiti alegasion, ngem impaganetget ni Castro a saan a pormal a kumokontra ti defense team iti addang ti prosecution panel.
