--Ads--
Posible nga agikkat ti sumagmamano a prosecutor iti House Prosecution panel tapno agtalinaed da kas spokesperson iti impeachment trial ni Bise Presidente Sara Duterte.
Segun kenni Rep. Zia Alonto Adiong, ad-adalen ti panel ti epekto ti naing-inget a sub judice rule kadagiti media statement-da.
Posible a mangnayon ti prosekusion kadagiti spokesperson a saan a paset ti panel tapno tumulong a mangilawlawag kadagiti bambanag maipapan iti mapaspasamak a trial.
Pinasingkedan ni Adiong nga agpada koma a mangipatungpal kadagiti restriksion iti prosekusion ken depensa bayat a mataginayon ti karbengan ti publiko iti pannakaawat iti kaso.
-- ADVERTISEMENT --
