Pormal a panangrugi ti Asian Games, matuloy ita nga aldaw

Nakasaganan ti Nagoya, Japan para iti pormal nga opening ceremony ti 20^th Asian Games a maisayangkat ita nga aldaw iti alas sais ti rabii, oras iti Pilipinas.

Nasurok 17,000 nga atleta ken staff manipud iti uppat a pulo ket lima a pagilian ken teritoryo ti manamnama a sumali kadagiti 43 nga sports events iti uneg ti dua a lawas a kompetision.

Imbes nga athlete’s village, nagaramat dagiti organizer iti container housing, cruise ship ken dagiti hotel kas paset iti cost-cutting measures, uray no dimmakkel ti pakabuklan a gastos.

Kabayatanna, nainget ti seguridad iti lugar ta nasurok 10,000 a pulis ti nai-deploy, idinto a saan a makadar-ay iti seremonia ni Japanese Prime Minister Sanae Takaichi.