VIGAN CITY – Maysa a Mitsubishi L300 Deluxe Utility Van a naglaon ti dua ribo ket uppat a gasut a kilo ti pork siomai ti nasalamaan dagiti kameng ti Quarantine Task Force iti checkpoint idiay Brgy. Bio, Tagudin idi alas syete kinse iti agsapa idi January 19.
Segun ken ni Provincial Quarantine Officer Martel Quitoriano, dua ribo dua gasut a kilo ti chicken siomai ken duagasut a kilo ti beef siomai iti nakaikabil iti permit nga iggem ti driver a ni Meldrick Baptista, agtawen ti tallo pulo ket maysa nga agnaed idiay Balacad, Laoag City, Ilocos Norte ngem idi linukatan dagiti kameng ti quarantine office, nakita da a pork siomai ti linaon na.
Posible a saan nga ammo ni Baptista a pork siomai iti linaon dagiti karga na isu’t gapu na a paayaban da Quitoriano iti akin-kukua dagiti nasao a produkto ilawlawag na nu apay a tampered wennu sabali iti nakailanad iti permit nga inted da iti driver da iti mismo a linaon iti shipment nga ipaiserrek da ditoy probinsiya.
Agsipud iti dayta, nagpalagip manen iti provincial quarantine office kadagiti agiserserrek iti produkto da ditoy probinsiya a kumpletoen da dagiti kasapulan a dokumento tapnu saan a mataktak iti biyahe da.
