VIGAN CITY- Patien ni Act Teachers Party-list Rep. Antonio Tinio a sibibiag pay laeng ti ‘pork barrel’ nga isu ti intudo na a rason no apay a saan a naapprubaran ti proposed P3.757 trillion national budget iti maudi ken maikatlo a pannakaibasa na idi Mierkules.
Ti ekslusibo a pannakiuman ti Bombo Radyo Vigan kenni Rep. Tinio, patien na a posible nga agbalin a pork barel ti 51. 7 a bilyon a pisos a mapapati a naisapit iti national budget ta pagbibingayan dagiti kongresista para kadagiti pet projects da.
Inaig iti dayta ket kiniddaw ni Tinio ti panagbalin a transparent iti budget process nga isayangkat ti small committee a nabukel tapno adalen dagit proposed amendment iti pondo .
Maipalagip nga immunan a pinaglibakan ni Minority leader ken Quezon Rep. Danilo Suarez , miembro ti small committee, nga adda ti naisapit a pork barrel iti 2019 national budget ta nainget iti isaysayangkat da a panagadal kadagiti proyekto a rumbeng da nga i-prioritize.
