Mapatta-patta nga umabot iti 123.96 million iti populasyon iti Pilipinas inton madanon iti 2035 wenno nasurok-kumurang 14.76 million a tattao iti uneg iti sangapulo ket lima a tawen kas maibasar iti kaudian a projection ti Philippine Statistics Authority (PSA).
Segun ti PSA, manamnama nga umado ti populasyon iti pagilian iti average 0.85% kada tawen manipod 2020 agingga 2035, manipod iti nairekord a 109.2 million a populasyon idi 2020.
Agtalinaed a kaaddoan iti tattao iti rehiyon iti Calabarzon wenno Cavite, Laguna, Batangas, Rizal ken Quezon a manamnama nga umabot iti 19.07 million ti populasyon inton 2035.
Simmaruno iti National Capital Region (NCR) a 14.49 million ken Central Luzon a 14.02 million.
Manamnama nga agtalinaed a kabassitan ti populasyon ti Cordillera Administrative Region (CAR) a 2.13 million.
Innayon ti PSA a sumagmamano a rehiyon iti manamnama a makairekord iti agtultuloy a panagpangato ti growth rate pakairamanan ti Bicol Region, Western Visayas, Eastern Visayas, Zamboanga Peninsula, Soccksargen, Bangsamoro Autonomous Region in Muslim Mindanao (BARMM) ken Caraga.
