--Ads--
Inallukoy ni Pope Leo XIV dagiti Katoliko a tuladen ni Hesus ken agbalin a sisasagana a tumulong iti pada a tao, nangruna kadagiti agkasapulan iti panangrambak iti Fiesta Señor 2026 idiay Cebu.
Nangipatulod iti mensahe ti Santo Papa babaen ken ni Cardinal Pietro Parolin, Secretary of State ti Vatican, para kadagiti Augustinian ti Minor Basilica ti Santo Niño iti nasao a probinsia.
Maibasar iti mensahe, tarigagay ti Santo Papa nga agbalin nga inspirasion ti piesta tapno ibiag dagiti deboto ti pammati ken panangtulongda iti padada a tao.
Inallukoyna pay dagiti agpammati a pabaknangenda ti awag iti buniag ken panangited iti nalawlawag a pammaneknek iti panawagan ni Cristo para iti panagkaykaysa ken iti biag ti Holy Trinity.
-- ADVERTISEMENT --
